விழிப்புணர்வு ! #பாதுகாப்பு ! தங்க நகைகளை அணிந்து வெளியே செல்வதில் எவ்வளவு ஆபத்துகள் இருக்கின்றன !

 

நேரம் ஐந்து மணி இருக்கும். பள்ளிக்கூடம் முடிந்து மாணவ மாணவிகளும் ஆசிரியர்களும் வீடு திரும்பும் நேரம் அது!

எனக்கு உட்கார இருக்கை கிடைக்காததால் பேருந்தில் நின்றுகொண்டே பயணம் செய்தேன்!

 ஒரு பேருந்து நிலையத்தில் மாணவ, மாணவிகளும் ஆசிரியர்களும் பேருந்தில் ஏறினார்கள். அப்போது ஒரு பெண் ஆசிரியரின் கழுத்தில் இருந்த பெரிய தங்கத் தாலிச் சங்கிலி என் கவனத்தை ஈர்த்தது.

இன்றைய காலகட்டத்தில் தங்க நகைகளை அணிந்து வெளியே செல்வதில் எவ்வளவு ஆபத்துகள் இருக்கின்றன என்பதை நாம் அனைவரும் சிந்தித்துப் பார்க்க வேண்டும்.

நகை என்பது அவரவர் விருப்பம். அவரவர் உழைப்பில் வாங்கிய சொத்து. அதில் யாரும் தலையிட முடியாது. ஆனால், நகை அணிவதிலும் சூழ்நிலைக்கு ஏற்ற பாதுகாப்பு உணர்வு அவசியம் அல்லவா?

குறிப்பாக, தினமும் பொதுப் போக்குவரத்தில் பயணம் செய்யும் பெண்கள் தங்களின் பாதுகாப்பில் கூடுதல் கவனம் செலுத்த வேண்டும்.

திருமணம் போன்ற விசேஷ நிகழ்ச்சிகளுக்குச் செல்லும்போது பெரிய  நகைகளை  அணிவது  அவரவர்  விருப்பம்.       ஆனால், அன்றாடப்  பயணங்களின் போது  அவ்வளவு  விலை   உயர்ந்த நகைகளை அணிந்துசெல்வது அவசியம்தானா என்று யோசித்துப் பார்க்க வேண்டும்.

ஆசிரியர்கள் என்பவர்கள் பாடம் நடத்துபவர்கள் மட்டுமல்ல மாணவர்களுக்கு நல்ல பழக்கங்களையும் வாழ்க்கை விழிப்புணர்வையும்   கற்றுக்  கொடுப்பவர்கள்.

எனவே நம்முடைய செயல்களிலும் சமூக அக்கறை இருக்க வேண்டும் என்பது என் எண்ணம்.

ஒருவேளை நகைப் பறிப்பு போன்ற அசம்பாவிதங்கள் நடந்துவிட்டால், பாதிக்கப்படுபவர்களின் வேதனையோடு காவல்  துறையினருக்கும் கூடுதல் வேலைப்பளு ஏற்படுகிறது. குற்றவாளிகளைக் கண்டுபிடிக்கவும், பாதிக்கப்பட்டவர்களுக்கு நீதி கிடைக்கவும் காவல்துறையினர் அதிக நேரத்தையும் உழைப்பையும்   செல விட   வேண்டியிருக்கிறது.

ஒரு சிறிய முன்னெச்சரிக்கை பல பெரிய ஆபத்துகளைத் தவிர்க்க உதவும்.

நகை அணிவது தவறு என்று சொல்லவில்லை. நம்முடைய பாதுகாப்பையும், நம்மைச் சுற்றியுள்ள சமூகத்தின் நலனையும் கருத்தில் கொண்டு செயல்பட வேண்டும் என்பதுதான் என் வேண்டுகோள்.

ஆடம்பரத்தைக் காட்டிலும் பாதுகாப்பு முக்கியம்! அழகுக்காக அணியும் நகை, ஆபத்துக்கு வழிவகுத்துவிடக் கூடாது என்பது என்னுடைய கருத்து நான் தவறாக சொல்லி இருந்தால் மன்னிக்கவும்..🙏🏾🙏🏾🙏🏾

#விழிப்புணர்வு ! #பாதுகாப்பு

எண்ணம் தூய்மையாக இருந்தால் தான் உங்களது செயலும் தூய்மையாக இருக்கும்.

 

எண்ணம் தூய்மையாக இருந்தால் தான் உங்களது செயலும் தூய்மையாக இருக்கும்.

எண்ணம்… சொல்… செயல்… எப்படி இருக்க வேண்டும்…

1.எண்ணும் எண்ணம்
2.சொல்லும் சொல்
3.செய்யும் செயல் எல்லாம் ஒன்றாக…
4.ஒன்றுடன் ஒன்று சுற்றும் நிலையில் இருக்க வேண்டும்.
5.ஏனென்றால் சொல்லும் சொல்லைக் காப்பவனே “பெரும் நாணயஸ்தன்…!”

மனித நிலையில் சொல்லும் சொல்லைக் காப்பாற்றி விட்டால்…! அவன் நிலை என்றுமே உயர்ந்து நிற்கும் !

நீ வேறல்ல !

 உன் எண்ணம் வேறல்ல !

உன் சொல் வேறல்ல !

உன் செயல் வேறல்ல!

எல்லாம் கலந்துதான் மனிதன் என்பவன்.

வெறும் ஆத்மாவும் உடலும் மட்டுமல்ல மனிதன், உயிரும் உடலும் மட்டும் தான் மனிதனல்ல!

எண்ணமும் சொல்லும் செயலும் தான் மனிதன்,

உடலும் அழிகின்றது ! ஆத்மாவும் பிரிகின்றது !

எண்ணிய எண்ணமும் ,சொல்லிய சொல்லும் ,செய்த செயலும் நிலைக்கின்றது.

 ஆகவே

1.எண்ணும் எண்ணத்தை நல் எண்ணமாக எண்ண வேண்டும்.

2.நல்ல சொல்லும் நல்ல செயலும் தானாக வரும்.

எண்ணும் எண்ணம் எல்லாம் உன் நிலையைச் சுற்றித்தான் உள்ளது.

சுற்றி வரும் காற்றிலே நல்ல பூவின் மணமும் !கொடிய நஞ்சுத் தன்மையும் உண்டு.

நீ எடுக்கும் தன்மையிலே தான் அது உன்னுள்ளே வந்து சேரும்!

குடும்பத்தில் அடுத்தடுத்து பிரச்சனைகள் இந்தச் சூழலிலிருந்து மீள எளிய வழிகள் !

 

குடும்பத்தில் அடுத்தடுத்து பிரச்சனைகள் வருவதும், ஒருவர் மாற்றி ஒருவர் மருத்துவமனை செல்வதும் பலரை மனதளவில் மிகவும் சோர்வடையச் செய்யும் ஒரு கடினமான சூழலாகும். இதற்கான காரணங்களை நாம் நம்பிக்கை, அறிவியல் மற்றும் உளவியல் அடிப்படையில் மூன்று கோணங்களில் பார்க்க முடியும்:

1. அறிவியல் மற்றும் உடல்நலக் காரணங்கள் (Scientific & Health Factors)

• சுற்றுச்சூழல் மற்றும் வாழ்க்கை முறை: 
  வீட்டில் உள்ள அனைவருக்கும் ஒரே மாதிரியான உணவுப் பழக்கம், குடிநீர் அல்லது சுற்றுச்சூழல் காரணமாக ஒரே நேரத்தில் உடல்நலக்குறைவு (உதாரணமாக: தொற்று நோய்கள், காய்ச்சல், அலர்ஜி) ஏற்பட வாய்ப்புள்ளது.
  முறையற்ற தூக்கம், ஊட்டச்சத்து குறைபாடு அல்லது மன அழுத்தம் ஒட்டுமொத்த குடும்பத்தினரின் நோய் எதிர்ப்புச் சக்தியைக் (Immunity) குறைத்து, அடுத்தடுத்து நோய்கள் வர வழிவகுக்கும்.
• பரம்பரை மற்றும் மரபணு காரணங்கள்:
  சில குடும்பங்களில் சர்க்கரை நோய், உயர் இரத்த அழுத்தம், இதய நோய் போன்ற மரபணு சார்ந்த பிரச்சினைகள் இருப்பதனால், ஒரே நேரத்தில் அல்லது அடுத்தடுத்து மருத்துவமனை செல்லும் சூழல் உருவாகலாம்.
• பருவகால மாற்றங்கள்:
  கால நிலை மாறும்போது (குறிப்பாக குளிர் காலம் அல்லது மழைக்காலத்தில்) வைரஸ் காய்ச்சல், டெங்கு போன்ற தொற்றுகள் குடும்பத்தில் உள்ள ஒருவரிடமிருந்து மற்றவருக்கு எளிதில் பரவக்கூடும்.

2. உளவியல் மற்றும் மன அழுத்தக் காரணங்கள் (Psychological & Stress Factors)

• ஒன்றோடொன்று இணைந்த மன அழுத்தம்:
  குடும்பத்தில் உள்ள ஒருவருக்கு தீவிரமான உடல்நலக் குறைவு அல்லது பிரச்சனை ஏற்படும்போது, மற்ற குடும்ப உறுப்பினர்கள் தொடர்ந்து கவலையிலும் மன அழுத்தத்திலும் (Chronic Stress) உழல்வார்கள்.
  இந்தத் தொடர் மன அழுத்தம் மற்றவர்களின் உடலிலுள்ள நோய் எதிர்ப்புச் சக்தியைக் குலைத்து, அவர்களையும் எளிதில் நோய்களின் பிடியில் சிக்க வைக்கிறது.
• கவனக் குறைவு மற்றும் சோர்வு:
  ஒருவரை கவனித்துக்கொள்வதிலேயே மற்றவர்கள் தங்கள் உடல்நலனைப் புறக்கணிக்க நேரிடும். இதனால் ஊட்டச்சத்து குறைபாடு அல்லது முறையற்ற ஓய்வின்றி அவர்களும் நோய்வாய்ப்படலாம்.

3. ஆன்மீக மற்றும் ஜோதிட நம்பிக்கைகள் (Spiritual & Traditional Beliefs)

நமது பாரம்பரிய கலாச்சாரம் மற்றும் நம்பிக்கைகளின்படி, சில காரணங்கள் முன்வைக்கப்படுகின்றன:

• கண் திருஷ்டி அல்லது எதிர்மறை ஆற்றல்:
  குடும்பத்தின் வளர்ச்சியைக் கண்டு பொறாமைப் படுபவர்களின் எதிர்மறை ஆற்றல் அல்லது கண் திருஷ்டி காரணமாக வீட்டில் அமைதியின்மையும், அடுத்தடுத்து தொல்லைகளும் ஏற்படுவதாக நம்பப்படுகிறது.
• கிரக தோஷங்கள் மற்றும் பித்ரு சாபம்:
  ஜாதக ரீதியாக ஏழரை சனி, அஷ்டம சனி, செவ்வாய் தோஷம் அல்லது முன்னோர்களின் சாபம் (பித்ரு தோஷம்) போன்ற காலங்களில் தொடர் மருத்துவச் செலவுகளும் குடும்பத்தில் பிரச்சினைகளும் வரலாம் என்று ஜோதிடம் கூறுகிறது.

இந்தச் சூழலிலிருந்து மீள எளிய வழிகள்:

1. மருத்துவப் பரிசோதனை: குடும்பத்தில் உள்ள அனைவரும் ஒருமுறை முழு உடல் பரிசோதனை (Full Body Health Checkup) செய்து கொள்வது நல்லது. இதன் மூலம் மறைந்திருக்கும் பிரச்சினைகளை முன்கூட்டியே கண்டறியலாம்.
2. சுத்தத்தைப் பேணுதல்: வீட்டைச் சுற்றியுள்ள பகுதிகளைத் தூய்மையாகப் பராமரிப்பதும், கொதித்து ஆறிய நீரைப் பருகுவதும் பல தொற்று நோய்களைத் தடுக்கும்.
3. மன அமைதி மற்றும் பிரார்த்தனை: குடும்பத்தினர் அனைவரும் சேர்ந்து ஆன்மீக ஈடுபாடு, தியானம் அல்லது பிரார்த்தனைகளில் ஈடுபடுவது மன அழுத்தத்தைக் குறைத்து மன வலிமையைத் தரும்.
4. உணவு முறை மாற்றம்: சத்தான, நோய் எதிர்ப்புச் சக்தியை அதிகரிக்கக்கூடிய பாரம்பரிய உணவு முறைகளுக்கு மாறுவது பலன் தரும்.

இந்தக் கடினமான காலம் தற்காலிகமானது தான். பொறுமையாகவும் ஒற்றுமையாகவும் இருந்து இந்தச் சூழலை எதிர் கொள்ளுங்கள்.

முன்னோர்கள் சொன்ன ஒவ்வொரு பழமொழி வார்த்தைகளிலும் அர்த்தங்கள் உள்ளது..

 

🌝 தவளை கத்தினால் மழை.

🌝 அந்தி ஈசல் பூத்தால்

அடை மழைக்கு அச்சாராம்.

🌝 தும்பி பறந்தால் தூரத்தில் மழை.

🌝 எறும்பு ஏறில் பெரும் புயல்.

🌝 மார்கழி மழை மண்ணுக்கு உதவாது.

🌝 தை மழை நெய் மழை.

🌝 மாசிப் பனி மச்சையும் துளைக்கும்.

🌝 தையும் மாசியும் வீடு மேய்த்து உறங்கு.

🌝 புற்று கண்டு கிணறு வெட்டு.

🌝 வெள்ளமே ஆனாலும்

பள்ளத்தே பயிர் செய்.

🌝 காணி தேடினும் கரிசல் மண் தேடு.

🌝 களர் கெட பிரண்டையைப் புதை.

🌝 கெட்ட நிலத்துக்கு எட்டு வன்னி

கெட்ட குடும்பத்துக்கு எட்டு வெள்ளாடு.

🌝 நன்னிலம் கொழுஞ்சி

நடுநிலம் கரந்தை

கடை நிலம் எருக்கு.

🌝 நீரும் நிலமும் இருந்தாலும்

பருவம் பார்த்து பயிர் செய்.

🌝 ஆடிப்பட்டம் பயிர் செய்.

🌝 விண் பொய்த்தால் மண் பொய்க்கும்.

🌝 மழையடி புஞ்சை

மதகடி நஞ்சை.

🌝 களரை நம்பி கெட்டவனும் இல்லை மணலை நம்பி வாழ்ந்தவனும் இல்லை.

🌝 உழவில்லாத நிலமும்

மிளகில்லாத கறியும் வழ வழ.

🌝 அகல உழவதை விட

ஆழ உழுவது மேல் .

🌝 புஞ்சைக்கு நாலு உழவு

நஞ்சைக்கு ஏழு உழவு.

🌝 குப்பை இல்லாத வெள்ளாமை சப்பை.

🌝 ஆடு பயிர் காட்டும்

ஆவாரை கதிர் கட்டும்.

🌝 கூளம் பரப்பி கோமியம் சேர் .

🌝 ஆற்று வண்டல் தேற்றும் பயிரை.

🌝 நிலத்தில் எடுத்த பூண்டு

நிலத்தில் மடிய வேண்டும்.

🌝 காய்ச்சலும் பாய்ச்சலும் வேண்டும்.

🌝 தேங்கி கெட்டது நிலம்

தேங்காமல் கெட்டது குளம்.

🌝 கோரையை கொல்ல கொள்ளுப் பயிர் விதை.

🌝 சொத்தைப் போல்

விதையை பேண வேண்டும்.

🌝 விதை பாதி வேலை பாதி.

🌝 காய்த்த வித்திற்கு பழுது இல்லை.

🌝 பாரில் போட்டாலும் பட்டத்தில் போடு.

🌝 கோப்பு தப்பினால்

குப்பையும் பயிராகாது.

🌝 ஆடி ஐந்தில் விதைத்த விதையும் புரட்டாசி பதினைந்தில் நட்ட நடவும் பெரியோர்கள் வைத்த தனம்.

🌝 கலக்க விதைத்தால்

களஞ்சியம் நிறையும்.

அடர விதைத்தால் போர் உயரும்.

வாழ்க வையகம்!

வாழ்க வளமுடன்!

எல்லா உயிர்களும் இன்பமாக வாழ்ந்தால் மட்டுமே நாம் நலமோடு வாழ இயலும்.

🌹#உழவே_தலை.🌹

தனி மனித மாற்றமே நம் சமுதாயத்தின் மாற்றம்.

நீர் இன்றி அமையாது உலகு.

"என் மக்கள்"

கடல் மலை மேகம்தான் எங்கள் கூட்டம்.

கடைசி மரமும் வெட்டி உண்டு

கடைசி மரமும் விஷம் ஏறிக்

கடைசி மீனும் பிடி பட

அப்போதுதான் உறைக்கும்.

இனி பணத்தைச் சாப்பிட

முடியாது என்பது!!

ஆறும் குளமும் மாசு அடைந்தால்

சோறும் நீறும் எப்படி கிடைக்கும்!.

நீர் நிலைகளை காப்போம்.

இணைவோம்.

நம் மூத்த முன்னோர் சொல்மிக்க மந்திரமில்லை.

மேழிச் செல்வம் கோழை படாது...

🌹#முன்னோர்கள் சொன்ன ஒவ்வொரு பழமொழி வார்த்தைகளிலும் அர்த்தங்கள் உள்ளது..

அனைவரும் அறிந்துகொள்ள #பகிருங்கள்...🌹

வடித்த சாதம் உடலுக்கு நல்லதா?

 

• வடித்த சாதம் - அரிசியை அதிக தண்ணீரில் கொதிக்க வைத்து, சாதம் வெந்ததும் மீதமுள்ள கஞ்சியை வெளியேற்றி தயாரிக்கப்படும் பாரம்பரிய உணவு முறை.
• மாவுச்சத்து அதிகம் உள்ள கஞ்சி நீங்குவதால் உடல் எடை குறைக்க உதவுகிறது.
• சாதம் ஒன்றுடன் ஒன்று ஒட்டாமல் உதிரியாகக் கிடைக்கும்.
• வடித்த சாதம் உடலுக்கு மிகவும் நல்லது. இது எளிதில் ஜீரணமாகும், அதிகப்படியான மாவுச்சத்து (ஸ்டார்ச்) நீக்கப்படுவதால் உடல் எடையைக் கட்டுப்படுத்த உதவுகிறது.
• கஞ்சி வடிப்பதால் அதிகப்படியான கார்போஹைட்ரேட் குறைகிறது.

வடித்த கஞ்சி நன்மைகள்

• வடித்த கஞ்சி நீரில் வைட்டமின்களும் தாதுக்களும் உள்ளன. இது உடலுக்கு உடனடி ஆற்றலைத் தருகிறது.
• உடல் வறட்சியைத் தடுத்து நீரேற்றமாக வைக்க உதவுகிறது.
• முகத்தில் உள்ள கருமையை நீக்கி, சருமத்தை மிருதுவாகவும் பளபளப்பாகவும் மாற்றும்.
• இயற்கையான முறையில் தலைமுடியை அலசப் பயன்படுத்தும்போது முடி உறுதியாகவும் பளபளப்பாகவும் வளரும்.

சகோதரி ! பேஸ்புக் நண்பர் கோரிக்கை !

ஒரு பெண்ணுக்கு ஃபேஸ்புக்கில் ஒரு பையனிடமிருந்து நண்பர் கோரிக்கை வந்தது. முதலில், அவள் அந்தக் கோரிக்கையை நீக்கிவிட நினைத்தாள், ஆனால் பிறகு அவனுடைய சுயவிவரத்தைப் பார்க்க முடிவு செய்தாள். அந்தப் பெண் அந்தப் பையனின் சுயவிவரத்தைப் பார்த்தபோது, ​​அதில் எந்தத் தவறும் இருப்பதாக அவளுக்குத் தெரியவில்லை. சுயவிவரத்தில் இருந்த புகைப்படமும் அவளுக்குப் பிடித்திருந்தது, அதனால் அவள், "சரி, இந்தக் கோரிக்கையை ஏற்றுக் கொள்கிறேன், ஒருவேளை அந்தப் பையன் முரட்டுத்தனமாக நடந்துகொண்டால், பிறகு அவனைத் தடுத்து விடுகிறேன்" என்று நினைத்தாள். இப்படி நினைத்து, அவள் அந்தக் கோரிக்கையை ஏற்றுக்கொண்டாள்.

அன்றிரவு, அவளுடைய இன்பாக்ஸில் அந்தப் பையனிடமிருந்து ஒரு செய்தி வந்தது. அவர்கள் சிறிது நேரம் உரையாடியபோது, ​​அவன் தன் நகரத்தில் வசிப்பதை அந்தப் பெண் அறிந்துகொண்டாள். அவர்கள் தினமும் பேசத் தொடங்கி, ஒருவரையொருவர் விரும்ப ஆரம்பித்தனர்.

பிறகு ஒரு நாள், அந்தப் பெண் தன் அம்மாவும், அப்பாவும், சகோதரனும் ஒரு நாள் வெளியே செல்வதாகவும், தனக்குத் தேர்வு இருப்பதால் வீட்டில் தங்கிப் படிக்கப் போவதாகவும் அந்தப் பையனிடம் கூறினாள். அதற்கு அந்தப் பையன் அவளிடம், "ஆஹா, இது மிகவும் நல்ல செய்தி. நான் உன்னைச் சந்திக்க உன் வீட்டிற்கு வருகிறேன். நாம் இருவரும் சேர்ந்து மிகவும் மகிழ்ச்சியாகப் பொழுதைக் கழிப்போம்," என்றான்.

அதற்கு அந்தப் பெண் அவனிடம், "இல்லை, வீட்டில் தனியாக முடியாது. நீங்கள் சந்திக்க விரும்பினால், நாம் ஒரு காபி கடையில் சந்திக்கலாம்" என்று சொன்னாள்.

இதைக் கேட்ட சிறுவன், "ஏன் பழைய நாட்களைப் பற்றிப் பேசுகிறாய்? இன்றைய காலம் மாறிவிட்டது. இப்போதெல்லாம் எல்லாமே ஏற்றுக்கொள்ளக்கூடியதாக இருக்கிறது. தனியாகச் சந்திப்பதில் என்ன தவறு இருக்கிறது?" என்றான்.

எனவே அந்தப் பெண் சொன்னாள்: "தனியாகச் சந்திப்பதில் தவறில்லை என்றால், உங்கள் சகோதரியை ஒரு நாள் என் சகோதரனின் அறைக்குத் தனியாக அனுப்புங்கள்."

இதைக் கேட்டதும், அந்தச் சிறுவன் ஆத்திரமடைந்து, "உனக்கு சுயநினைவு இருக்கிறதா? தயவுசெய்து நிதானமாகப் பேசு" என்று கத்தத் தொடங்கினான்.

எனவே அந்தப் பெண் சொன்னாள்: "ஏன், உனக்கு என்ன ஆனது? உன் நவீனத்துவம் எங்கே போனது? இது இன்றைய காலமா? எல்லாம் ஏற்றுக்கொள்ளக்கூடியதா? அதனால் என்ன வித்தியாசம்? இது போன்ற சிந்தனை..."

உங்கள் சகோதரியின் விஷயத்தில் வரும்போது, ​​உங்கள் தற்போதைய சிந்தனை நின்றுவிடுகிறதா? நீங்களும் கடந்த காலத்திற்குத் திரும்பிச் சென்றுவிட்டீர்களா?

அந்தப் பெண் சொன்னதைக் கேட்ட பிறகு, அந்தப் பையனிடம் பதில் எதுவும் இல்லை.

பிறகு அந்தப் பெண் கடைசியாக ஒன்றைச் சொன்னாள்.. "உன் சொந்த சகோதரிக்கு என்ன நடக்குமோ என்று உன்னால் நினைக்க முடியாததை, மற்றவர்களின் சகோதரிகளுக்கு நடக்க வேண்டும் என்று நினைத்துக்கூடப் பார்க்காதே. சகோதரி எந்தக் குடும்பத்தைச் சேர்ந்தவளாக இருந்தாலும் அவள் சகோதரிதான், மேலும் தவறு எந்தக் காலத்தில் நடந்தாலும் அது தவறாகவே இருக்கும்."

இவ்வாறு கூறி, அந்தப் பெண் அந்தப் பையனை நிரந்தரமாகத் தடுத்துவிட்டாள்.

அழியப்போகும் உறவுமுறை?

தனிமை ஆகப் போகும் உறவு முறைகள்

அண்ணன்,

தம்பி,

அக்கா,தங்கை,

சின்ன அண்ணன்,

பெரிய அண்ணன்,

சின்ன அக்கா,

பெரிய அக்கா,

சித்தப்பா, பெரியப்பா,

அத்தை, மாமா,

மச்சான்,மச்சினி,

அண்ணி, கொழுந்தனார்,

நாத்தனார், தாய்மாமன்,

சித்தப்பா பையன்,

சித்தப்பா பொண்ணு,

பெரியப்பா பையன்,

பெரியப்பா பொண்ணு,

அத்தை பையன்,

அத்தை பொண்ணு,

மாமன் பொண்ணு,

மாமன் பையன்...

இது போன்ற வார்த்தைகள் எல்லாம் 2050 ஆண்டுகளுக்கு மேல் யாருடைய காதிலும் பாசத்தோடு விழாது.

யாரும் கூப்பிடவும் மாட்டார்கள் !

அகராதியில் இருந்தே கூட

கொஞ்சம் கொஞ்சமாக அழிந்து விடும்.

காரணம் என்ன !

என்று ஒரே ஒரு குழந்தை மட்டும் போதும் என்று முடிவெடுக்க ஆரம்பித்ததுதான் !

அப்படி இருக்கும் போது

இந்த உறவுகள் எல்லாம் எப்படி வரும்?

பெண்கள் வயதுக்கு வந்ததும்

சீர் வரிசை செய்யவோ,

பந்தல் போடவோ,

முதல் புடவை எடுத்துத் தரவோ

எந்த தாய்மாமனும் இருக்கப்போவது இல்லை !

திருமணத்தின் போது

அரசாணைக்கால் நட

எந்த அண்ணனும் இருக்கப்போவது இல்லை !

மாப்பிள்ளைக்கு மோதிரம் போட

எந்த தம்பியும் இருக்கப் போவது இல்லை,

குழந்தைக்கு மொட்டை போட

யார் மடியில் உட்கார வைப்பார்கள் ?

கட்டிக் கொடுத்த பெண்ணுக்கு

எதாவது பிரச்சனை என்றால் அண்ணனும், தம்பியும் பறந்து செல்வார்கள்.

இனி யார் போவார் ?

ஒவ்வொரு பெண்ணும்,

சொந்தபந்தம் ஏதுமின்றி

ஆறுதலுக்கு ஆள் இன்றி

தவிக்க போகிறார்கள்.

ஒவ்வொரு ஆணும்

தன் கஷ்டநஷ்டங்களில்

பங்கு கொள்ள அண்ணன், தம்பி

யாரும் இன்றி அவதிப் பட போகிறார்கள்.

அப்பா, அம்மாவை தவிர

எந்த உறவுகளும் இருக்கப்போவதில்லை,

அந்த ஒரு குழந்தையும்

வெளியூருக்கோ,

இல்லை

தனிக்குடித்தனமோ சென்று விட்டால் ஒண்ணே ஒண்ணு, கண்ணே கண்ணு என்று வளர்த்தவர்கள்

எல்லாம் வயதான காலத்தில்,

ஏன் என்று கேட்க நாதி அற்று முதியோர் இல்லத்திலோ,

*இல்லை அந்த ஒரு குழந்தைக்காக கட்டிய வசதியான வீட்டிலோ அனாதையாக கிடந்துசாவார்கள் !*

உறவுகளின் உன்னத மதிப்பை உணராமல் பொருளாதார முன்னேற்றத்தை மட்டுமே குறிக்கோளாக கொண்டு

ஒரு குழந்தைக்கு மேல் வேண்டாம் என சோம்பேறித்தனப்பட்டு

*எந்திர வாழ்க்கை வாழ்ந்து கொண்டு இருக்கும் அத்தனைபேருக்கும் இதே நிலைதான் !*

உடல்நிலை சரியில்லாமல்

*ஆஸ்பிடலில் சேர்க்கப்பட்டால் ஓடோடி வந்து பார்க்க உறவுகள் வேண்டாமா?!*

சின்னச்சின்ன விஷயங்களுக்கெல்லாம்

*எனக்கு, உனக்கு என்று சண்டைபோடும் அதே குழந்தைகள்தானே*

வயதான காலத்தில்

அப்பா, அம்மாவுக்கு

எதாவது ஒன்று என்றால்

நான் நீ என்று ஓடி வருவார்கள்!

*கணவன் குடும்பம், குழந்தை என்று உயிரை விட்ட பெண்கள் கூட பெற்றோருக்குஒன்று என்றால் அத்தனையும் மறந்து விட்டு முதலில் வந்து நிற்பார்கள்!*

ஒரே ஒரு முறை உங்கள் கடைசி காலத்தை நினைத்து பாருங்கள்!

*பணமில்லாத ஒருவனை அனாதை என்று யாரும் சொல்வதில்லை!*

ஆனால்,

உறவுகள் இல்லாத ஒருவன்

*எத்தனை கோடி வைத்திருந்தாலும் அனாதைதான் என்பதை*

மறந்துவிடக் கூடாது!

கார், பங்களா வசதி வாய்ப்புகளுடன்

*ஒண்ணே ஒண்ணு , கண்ணே கண்ணு என்ற பெயரில் உறவுகளற்ற*

ஒரு அனாதையை வளர்ப்பதற்கும்,

*வயதான காலத்தில் நாதியற்று சாவதற்குமா இவ்வளவு பாடுபட்டு*

ஓடி ஓடி சம்பாதிக்கிறீர்கள் ? ?

ரத்தம் ஏற்றுக் கொள்ளும் உறவு முறையில் திருமணம் செய்யுங்கள்.

இல்லையேல்....

*இனி நீங்கள் உலர்ந்து போன உபயோகமற்ற இத்துப் போன தனி மரம்தான்.*

ஜாக்கிரதை !!!

மூலங்கட்டுரைக்கு நன்றிகள்: