இனி சுபநிகழ்ச்சிகளில் ஒரு மாற்றம் வரட்டும்!

இனி சுபநிகழ்ச்சிகளில் ஒரு மாற்றம் வரட்டும்!

இன்றைக்கு ஒரே முகூர்த்த நாளில் ஏராளமான திருமணங்களும் சுபநிகழ்ச்சிகளும் நடைபெறுகின்றன. குறிப்பாக ஞாயிற்றுக்கிழமைகளில் ஒரே நாளில் பல நிகழ்ச்சிகள் வந்துவிடுகின்றன.

1000 பேருக்கு அழைப்பிதழ் கொடுத்தாலும் 400 பேர் வருவதே பெரிய விஷயமாகிவிட்டது. வந்தவர்களிலும் பலர் உணவருந்துவதில்லை. சாப்பிடுபவர்களிலும் பலர் குறைவாகவே சாப்பிடுகிறார்கள். இறுதியில் அதிக அளவில் தயாரிக்கப்பட்ட உணவு வீணாகிறது.

அதிக அழைப்பு… அதிக செலவு… உணவு வீணாகுதல்… தேவையற்ற எதிர்பார்ப்பு… அதன் பின்னால் மனக்கசப்பு!

இன்னொரு விஷயத்தையும் நாம் சிந்திக்க வேண்டும்.

நமது வீட்டு சுபநிகழ்ச்சிகளுக்கு அரசியல் பிரமுகர்களையோ, பெரிய தொழிலதிபர்களையோ, செல்வாக்கு மிக்கவர்களையோ சந்திக்க மணிக்கணக்கில் காத்திருந்து அழைப்பிதழ் கொடுக்கிறோம்.

அதோடு ஸ்வீட் பாக்ஸ், மிக்சர், சால்வை என நம்மால் முடிந்த மரியாதைகளையும் செய்து அழைக்கிறோம். ஆனால் பல நேரங்களில் அவர்கள் நமது நிகழ்ச்சிக்கு வருவதற்குக்கூட வாய்ப்பிருக்காது; நாம் கொடுத்த அழைப்பிதழ்கூட அவர்களின் நினைவில் இருக்குமா என்பது தெரியாது.

அந்த நேரத்தையும் செலவையும் அன்பையும் நம்முடைய சொந்த உறவுகளுக்குக் கொடுத்தால் எப்படி இருக்கும்?

நம்மைப் பார்த்ததும் முகம் மலர்ந்து பேசும் உறவினரை நேரில் சென்று அழைப்போம். நம்முடைய அழைப்பை உரிமையோடு ஏற்றுக்கொள்ளும் நண்பரை அன்போடு அழைப்போம். நமது குழந்தைகளை மனதார வாழ்த்த வேண்டும் என்று நினைப்பவர்களை மகிழ்ச்சியோடு வரவேற்போம்.

ஊரில் தெரிந்தவர்கள் அனைவருக்கும் பத்திரிக்கை வைக்க வேண்டும் என்ற கட்டாயமும் வேண்டாம்.

“நாம் அவர்களுக்கு மொய் செய்தோம்; அவர்கள் நமக்குச் செய்யவில்லை” என்ற கணக்கும் வேண்டாம்.

அதனால் ஏற்படும் தேவையற்ற மனவருத்தமும் வேண்டாம்.

1000 பேரின் சம்பிரதாய வருகையைவிட,

100 பேரின் மனப்பூர்வமான வாழ்த்து உயர்ந்தது! ❤️

நமது இல்ல சுபநிகழ்ச்சி என்பது நமது செல்வாக்கைக் காட்டும் மேடை அல்ல.

நம்மை நேசிப்பவர்களோடு நமது மகிழ்ச்சியைப் பகிர்ந்துகொள்ளும் அழகான தருணம்.

பதவியைப் பார்த்து அழைக்க வேண்டாம்…

பணத்தைப் பார்த்து அழைக்க வேண்டாம்…

செல்வாக்கைப் பார்த்து அழைக்க வேண்டாம்…

நம்மீது அன்பு வைத்திருப்பவர்களைத் தேடி அழைப்போம்! ❤️

எண்ணிக்கையைக் குறைப்போம்…

ஆடம்பரத்தைக் குறைப்போம்…

உணவு வீணாவதைத் தடுப்போம்…

உண்மையான உறவுகளின் மதிப்பை உயர்த்துவோம்! 💐

பணிவுடன் உங்கள் அருண்