உடல் தசைகளை நன்கு வலுவாக்கும் சைவ உணவுகள் எவை?

 உடல் தசைகளை நன்கு வலுவாக்கும் சைவ உணவுகள்:

வாழைப்பழம்:

வாழைப்பழத்தில் நார்ச்சத்துக்கள் மற்றும் இயற்கையான இனிப்புக்கள் உள்ளன. எனவே இத்தகைய வாழைப்பத்தை தினமும் சாப்பிட்டு வந்தால், உடலில் சக்தியானது அதிகரிப்பதோடு, உடலும் வலிமையடையும்.

வேர்க்கடலை வெண்ணெய்

வேர்க்கடலை வெண்ணெய் இந்த வெண்ணெயில் ஒமேகா-3 ஃபேட்டி ஆசிட் என்னும் நல்ல கொழுப்புக்கள் அதிகமாகவே நிறைந்துள்ளது. எனவே இவற்றை சாப்பிட இதயம் பாதுகாப்புடன் இருப்பதோடு, செரிமானத்தை மெதுவாக நடைபெறச் செய்து, உடலில் சக்தியை நீண்ட நேரம் இருக்கச் செய்யும்.

 பீட்ரூட் ஜூஸ்

பீட்ரூட் ஜூஸ் பீட்ரூட் ஜூஸை தினமும் உடற்பயிற்சி மேற்கொள்வதற்கு முன் குடித்து வந்தால், நீண்ட நேரம் நன்கு புத்துணர்ச்சியுடன் உடற்பயிற்சியை மேற்கொள்ள முடியும். இதற்கு பீட்ரூட்டில் உள்ள வைட்டமின் ஏ மற்றும் சி சத்துக்களே காரணம்.

தண்ணீர்

தண்ணீர் உடலில் நீர் வறட்சி ஏற்பட்டாலும், உடல் விரைவில் சோர்ந்துவிடும். மேலும் உடலில் நச்சுக்கள் அதிகம் சேர்ந்து, உடல் பொலிவையும் பாதிக்கும். எனவே முடிந்த அளவு அதிகமான அளவில் தண்ணீரை பருக வேண்டும்.

சிவப்பு திராட்சை

சிவப்பு திராட்சை சிவப்பு திராட்சையில் உள்ள இயற்கை சர்க்கரையானது, உடலினுள் செல்லும் போது எனர்ஜியாக மாற்றப்பட்டுவிடுவதால், இதனை சாப்பிட்டால், உடல் நீண்ட நரம் வலிமையோடும், புத்துணர்ச்சியுடனும் இருக்கும்.

 ஓட்ஸ்

ஓட்ஸ் காம்ப்ளக்ஸ் கார்போஹைட்ரேட் அதிகம் இருக்கும் உணவுப் பொருட்களில் ஓட்ஸ் கஞ்சியும் ஒன்று. எனவே இதனை சாப்பிட்டால், இவை நீண்ட நேரம் வயிற்றை நிறைத்து வைத்திருப்பதோடு, பல மணிநேரம் உடலை எனர்ஜியுடனும் வைத்துக் கொள்ளும். 

 காபி 

காபி மனதைப் புத்துணர்ச்சியாக்கும் உணவுப் பொருட்களில் காபியும் ஒன்று. காபியில் உள்ள காப்ஃபைன், மூளையில் உள்ள செல்களை புத்துணர்ச்சியுடன் வைக்கும். ஆனால் இதை அதிகமாக பருகினால், அது பாதிப்பை ஏற்படுத்தும். ஆனால் அதையே அளவாக குடித்தால், ஒற்றை தலைவலியை குணப்படுத்தும் மற்றும் உடலுக்கு புத்துணர்ச்சியையும் கொடுக்கும்.

பீன்ஸ்

 பீன்ஸில் இரும்புச்சத்து அதிகம் நிறைந்துள்ளது. எனவே இதனை உணவில் சேர்த்தால், அதில் உள்ள இரும்புச்சத்து ஆக்ஸிஜனை சுமந்து செல்லும் செல்களை வலிமைப்படுத்தும். ஆகவே உடலை வலிமையோடு வைத்துக் கொள்ள நினைத்தால், பீன்ஸ் சேர்த்துக் கொள்வது நல்லது. பச்சை காய்கறிகள் பச்சை காய்கறிகள் பச்சை காய்கறிகளில் நார்ச்சத்து அதிகம் நிறைந்திருப்பதோடு, வைட்டமின் சி-யும் நிறைந்துள்ளது. இதனால் நார்ச்சத்து வயிற்றை நீண்ட நேரம் நிறைத்திருப்பதோடு, வைட்டமின் சி உடலுக்கு வலிமையையும் தரும்.

 சிட்ரஸ் பழங்கள்

சிட்ரஸ் பழங்கள் சிட்ரஸ் பழங்களில் உள்ள வைட்டமின் சி, உடலில் உள்ள நச்சுக்களை வெளியேற்றி, நோய் எதிர்ப்பு சக்தியை அதிகரிக்கும். அத்தகைய சிட்ரஸ் பழங்களால் ஆன ஜூஸை தினமும் காலையில் குடித்து வந்தால், நாள் முழுவதும் உடல் சுறுசுறுப்புடனும், சோர்வின்றியும் இருக்கும்.

கைக்குத்தல் அரிசி

கைக்குத்தல் அரிசி காம்ப்ளக்ஸ் கார்போஹைட்ரேட் அதிகம் உள்ள கைக்குத்தல் அரிசியில், நார்ச்சத்து மற்றும் வைட்டமின் சி காம்ப்ளக்ஸ் கூட அதிகம் உள்ளது. மேலும் இதில் குறைந்த அளவில் மாவுப் பொருள் இருப்பதால், செரிமானமடைவதற்கு நீண்ட நேரம் எடுத்துக் கொண்டு, நீண்ட நேரம் உடலை புத்துணர்ச்சியுடனும், வலுவோடும் வைத்துக் கொள்ளும்.

ஆப்பிள்

ஆப்பிள் ஆப்பிளில் இரும்புச்சத்து அதிகம் உள்ளது. இவை இரத்த அணுக்களின் அளவை அதிகரிப்பதோடு, ஒவ்வொரு செல்களையும் எளிதில் புத்துணர்ச்சியுடன் வைத்துக் கொள்ளும். க்ரீன் டீ

க்ரீன் டீ காப்ஃபைன் பானங்களைப் போன்றே க்ரீன் டீயிலும், மூளைச் செல்களை புத்துணர்ச்சியடையச் செய்யும் தன்மை நிறைந்துள்ளது. ஆகவே இதனை குடித்தால், உடல் சோர்வின்றி, பொலிவோடு மின்ன ஆரம்பிக்கும்.

 தினை

 தினை பொதுவாக தினை விளையாட்டு வீரர்களுக்கான ஒரு சக்தி நிறைந்த உணவுகளுள் ஒன்று. இத்தகைய தினையை உணவில் சேர்த்து வந்தால், அதில் உள்ள அமினோ ஆசிட், தசைகளை வலுவோடு வைத்துக் கொள்ளும்.

பாதாம்

பாதாம் பாதாமில் வைட்டமின் ஈ மற்றும் ஒமேகா-3 ஃபேட்டி ஆசிட் அதிகம் அடங்கியுள்ளது. இத்தகைய ஃபேட்டி ஆசிட்டுகள், உடலுக்கு எனர்ஜியைக் கொடுக்கக்கூடியவை. எனவே இதனை சாப்பிட்டால், உடல் வலுவோடு இருக்கும்.

சோயாபீன்

சோயாபீன் சோயாபீன்ஸிலும் தசைகளை வலுவடையச் செய்யும் சத்துக்கள் நிறைந்துள்ளது. ஆகவே இத்தகைய சோயாபீன்ஸை உடற்பயிற்சி செய்வதற்கு முன் சாப்பிட்டு செய்தால், நீண்ட நேரம் உடல் புத்துணர்ச்சியுடன் இருக்கும்.

மக்கா (Maca)

மக்கா (Maca) மக்கா என்பது ஒரு மூலிகை. இதனை சாப்பிட்டடால், ஒரு புதுவிதமான எனர்ஜி கிடைப்பதோடு, இல்லற வாழ்வில் ஈடுபடவும் ஒரு நல்ல வலிமை கிடைக்கும்.

 உலர் பழங்கள்

 உலர் பழங்கள் உலர் பழங்களில் எண்ணற்ற ஊட்டச்சத்துக்கள் நிறைந்துள்ளன. இத்தகைய பழங்களை ஸ்நாக்ஸாக சாப்பிட்டால், அதில் உள்ள ஒமேகா-3 ஃபேட்டி ஆசிட் நிறைய எனர்ஜியைக் கொடுக்கும்.

 பூசணிக்காய்

 பூசணிக்காய் பூசணிக்காயில் உடலுக்கு வேண்டிய அனைத்து சத்துக்களும் உள்ளது. இதில் கலோரிகள் மிகவும் குறைவு. இருப்பினும் இவை நீண்ட நேரம் பசியெக்காமல் வைத்திருப்பதோடு, ஹார்மோன்களை நன்கு புத்துணர்ச்சியுடன் வைக்கும். சோளம் சோளம் சோளத்தில் கார்போஹைட்ரேட்டுகள் அதிகம் அடங்கியுள்ளது. மேலும் இதில் கிளைகோஜன் உள்ளதால், அவை நிமிடத்தில் உடலுக்கு வலுவையும், புத்துணர்ச்சியையும் கொடுக்கும்.

Thanks to Oneindia.com 

இஞ்சியுடன் பால் சேர்ந்தால் என்ன என்ன நன்மைகள் கிடைக்கும்.

 இஞ்சியுடன் பால் சேர்ந்தால் என்ன என்ன நன்மைகள் கிடைக்கும்.
 

1. நுரையீரல் சுத்தமாகும்.

2. சளியை ஒழுச்சு கட்டிடும்.

3. வாயுத் தொல்லை என்பதே வராது.

4. தேவையில்லாத கொழுப்பு பொருளை கரைச்சிடும்.

5. தொப்பை வயிற்றுக்காரர்கள் தொப்பைக்கு விடை கொடுத்துவிடலாம்.

6. அதிகமா எடை இருந்தா படிப்படியாக குறைஞ்சிடும்.

7. ஒல்லியா ஆகணும்னு நினைக்கிறவங்க தொடர்ந்து குடிக்கலாம்.

8. இரத்தக் குழாய்களில் அடைப்பு எதுனாலும் இருந்தா நீக்கி விடும். அதனால மாரடைப்பை தடுக்கும் சத்தி உண்டு.

9. முக்கியமா பெண்களுக்கு சினைப்பையில் வரக்கூடிய புற்றுநோய்க் கட்டிகளை நீக்கி விடும்.

10. தினமும் சாப்பிட்டால் உடம்பு சும்மா சுறு சுறுன்னு இருக்கும்.✍🏼🌹

60 முதல் 80 வயதுடையவர்களை "மகிழ்ச்சியான மக்கள்" ஆக மாற்றக்கூடிய 44 விஷயங்கள் !

மகிழ்ச்சியான மக்கள்":👇

1. தொடர்ந்து நடக்கவும்.

2. கோபமாக இருக்கும்போது ஆழ்ந்த மூச்சை எடுங்கள்.

3. உங்கள் உடல் சோர்வடையும் வரை உங்களால் முடிந்தவரை உடற்பயிற்சி செய்யுங்கள்.

4. கோடையில் ஏசி பயன்படுத்தினால், நிறைய தண்ணீர் குடிக்கவும்.

5. "டயப்பர்களை" பயன்படுத்துவது இயக்கங்களை எளிதாக்குகிறது.

6. அடிக்கடி நடப்பது உடலையும் மூளையையும் அதிக சுறுசுறுப்பாக வைத்திருக்கும்.

7. மறதி என்பது வயது முதிர்ச்சியால் அல்ல, மாறாக மூளையை நீண்ட நேரம் பயன்படுத்தாததால் ஏற்படுகிறது.

8. அதிக மருந்துகளை எடுத்துக்கொள்ள வேண்டிய அவசியமில்லை.

9. இரத்த அழுத்தம் மற்றும் சர்க்கரை அளவை செயற்கையாகக் குறைக்க வேண்டிய அவசியமில்லை.

10. தனியாக இருப்பது தனிமை அல்ல, ஆனால் மகிழ்ச்சியான நேரத்தை செலவிடுவது அல்ல.

11. சோம்பேறியாக இருப்பது வெட்கக்கேடானது அல்ல.

12. வயதானவர் களுக்கு வாகனம் ஓட்டுவது ஆபத்தானது, எனவே உரிமம் பெறாமல் இருப்பதைக் கருத்தில் கொள்ளுங்கள்.

13. நீங்கள் விரும்பியதைச் செய்யுங்கள், உங்களுக்குப் பிடிக்காததைச் செய்யாதீர்கள்.

14. நீங்கள் வயதாகும்போதும் அனைத்து இயற்கை ஆசைகளும் அப்படியே இருக்கும்.

15. வீட்டில் இருக்காதீர்கள்.

16. நீங்கள் விரும்பியதைச் சாப்பிடுங்கள், கொஞ்சம் கொழுப்பாக இருப்பது பரவாயில்லை.

17. எல்லாவற்றையும் கவனமாகச் செய்யுங்கள்.

18. உங்களுக்குப் பிடிக்காதவர்களைத் தவிர்க்கவும்.

19. எப்போதும் டிவி பார்க்காதீர்கள்.

20. இறுதிவரை நோயுடன் போராடுவதை விட அதனுடன் வாழ கற்றுக்கொள்ளுங்கள்.

21. "கார் மலை ஏறினாலும் பாதை கிடைக்கும்" என்ற மந்திர மந்திரத்தை நினைவில் கொள்ளுங்கள்.

22. புதிய பழங்கள் மற்றும் சாலட்களை சாப்பிடுங்கள்.

23. 10 நிமிடங்களில் உங்கள் குளியலை முடிக்கவும்.

24. உங்களால் முடியாவிட்டால் உங்களை தூங்க கட்டாயப்படுத்தாதீர்கள்.

25. மகிழ்ச்சியான விஷயங்களைச் செய்வது உங்கள் மூளையை சுறுசுறுப்பாக வைத்திருக்கும்.

26. உங்கள் மனதைப் பேசுங்கள், அதிகமாக யோசிக்காதீர்கள், நான் எப்படி பேச வேண்டும், முதலியன.

27. கூடிய விரைவில் ஒரு "குடும்ப மருத்துவரை" முடிவு செய்யுங்கள்.

28. மிகவும் சகிப்புத்தன்மையுடன் இருக்காதீர்கள், கொஞ்சம்
"கெட்ட கிழவன்", மற்றும் குறும்புக்காரனாக இருப்பது பரவாயில்லை.

29. சில நேரங்களில் உங்கள் மனதை மாற்றி உங்கள் பிடிவாதத்தை கைவிடுவது பரவாயில்லை.
30. வாழ்க்கையின்  கடைசி கட்டத்தில் "டிமென்ஷியா" என்பது கடவுளின் ஆசீர்வாதம்.

31. நீங்கள் கற்றுக்கொள்வதை நிறுத்தும்போது, நீங்கள் உண்மையில் வயதாகிவிடுவீர்கள்.

32. புகழுக்கான ஆசையை விட்டுவிடுங்கள், உங்களிடம் இருப்பது போதுமானது.

33. அப்பாவித்தனம் என்பது முதியவர்களின் பாக்கியம்.

34. பிரச்சினைகள் அதிகமாக இருந்தால், வாழ்க்கை மிகவும் சுவாரஸ்யமாக இருக்கும்!

35. வெயிலில் அமர்ந்திருப்பது மகிழ்ச்சியைத் தருகிறது.

36. மற்றவர்களுக்கு நல்லது செய்யுங்கள்.

37. இன்று நிம்மதியாக வாழுங்கள்.

38. ஆசையே நீண்ட ஆயுளுக்கு ஆதாரம்.

39. எப்போதும் நேர்மறையாக இருங்கள்.

40. சுதந்திரமாக சுவாசிக்கவும்.

41. வாழ்க்கையின் விதிகள் உங்கள் கைகளில் உள்ளன.

42. எல்லாவற்றையும் அமைதியாக ஏற்றுக்கொள்ளுங்கள்.

43. மகிழ்ச்சியான மக்கள் எப்போதும் நேசிக்கப்படுகிறார்கள்.

44. சிரிப்பு நல்ல அதிர்ஷ்டத்தைத் தருகிறது.

இந்தத் தகவலை உங்கள் மூத்த நண்பர்கள் அனைவருடனும் பகிர்ந்து கொள்ளுங்கள்!

காலை கடன் நிம்மதியா போக... நைட் இந்தப் பொடியை இப்படி சாப்பிடுங்க: மருத்துவர் சிவராமன் டிப்ஸ்

 மலச்சிக்கல் பிரச்சனைக்கு இயற்கையான முறையில் எவ்வாறு தீர்வு காணலாம் என்று மருத்துவர் சிவராமன் விளக்கம் அளித்துள்ளார். மேலும், இதன் மூலம் பக்க விளைவுகள் ஏற்படாது என்றும் அவர் குறிப்பிட்டுள்ளார்.

மலம் என்பது காலைக் கடன் என்று நம் முன்னோர்கள் கூறியுள்ளனர். அதனை காலை நேரத்தில் எந்த விதமான சிரமமும் இன்றி கழித்தால் தான் ஒரு மனிதன் ஆரோக்கியமாக இருக்கிறான் என்பதற்கான அடையாளம் என்று மருத்துவர் சிவராமன் கூறுகிறார்.

ஆனால், இவ்வாறு மலத்தை சரியாக கழிக்காமல் மலச்சிக்கல் ஏற்பட்டால், அது பல்வேறு உடல் நலக் குறைபாடுகளுக்கு வழிவகுக்கும். காலை எழும் போது மலம் கழிக்க வேண்டிய உணர்வுடன் இருத்தல் அவசியம். ஆனால், காபி குடித்தாலோ அல்லது நடைபயிற்சி மேற்கொண்டாலோ மட்டுமே மலம் கழிக்க முடியும் என்று இருப்பது மலச்சிக்கலை உணர்த்தும் என்று மருத்துவர் சிவராமன் அறிவுறுத்துகிறார்.

செரிமானக் கோளாறு, நீர்ச்சத்து குறைபாடு போன்றவை மூலமாக மலச்சிக்கல் ஏற்படலாம். மலச்சிக்கல் பாதிப்பு இருந்தால் பசியின்மை போன்றவை ஏற்படும். எனவே, தினந்தோறும் சரியான முறையில் மலத்தை கழிப்பது நம்முடைய ஆரோக்கியத்தை மேம்படுத்தும் என்று மருத்துவர் சிவராமன் தெரிவித்துள்ளார்.

குழந்தைகளுக்கு மலச்சிக்கல் பிரச்சனை இருந்தால், 4 அல்லது 5 காய்ந்த திராட்சைகளை தண்ணீரில் ஊறவைத்து கொடுக்கலாம். இதன் மூலம் குழந்தைகளுக்கான மலச்சிக்கல் பிரச்சனை சரியாகும் என்று மருத்துவர் சிவராமன் தெரிவித்துள்ளார்.

 இது தவிர கடுக்காய் பிஞ்சுகளை வாங்கி அவற்றை விளக்கெண்ணெய்யில் வறுத்து பொடியாக மாற்றி, மருந்தாக எடுத்துக் கொள்ளலாம். இது குழந்தைகளின் செரிமான மண்டலத்தையும் சீராக இயங்க வைக்கும் என்று மருத்துவர் சிவராமன் கூறுகிறார்.

இது தவிர பெரியவர்களின் மலச்சிக்கல் பிரச்சனையை போக்க நிலவாகை பொடியை மருந்தாக பயன்படுத்தலாம் என்று மருத்துவர் சிவராமன் பரிந்துரைக்கிறார். இந்தப் பொடியை இரவு நேரத்தில் அரை டேபிள் ஸ்பூன் எடுத்துக் கொள்ளலாம். இவற்றை பயன்படுத்துவதன் மூலம் பக்க விளைவுகள் ஏற்படாது என்றும் அவர் குறிப்பிட்டுள்ளார்.

• காலை நேரத்தில் மலம் கழிப்பதன் பயன்கள்:

   

  • மலம் கழிப்பது செரிமானத்தை மேம்படுத்துகிறது.
  •  
  • மலச்சிக்கல் பிரச்சனைக்கு உதவி செய்கிறது.
  •  
  • உடலைச் சுத்தப்படுத்துகிறது.
  •  
  • உடல் நலனை மேம்படுத்துகிறது.
  •  
• காலை நேரத்தில் மலம் கழிப்பதற்கான சில குறிப்புகள்:

   

  • போதுமான அளவு தண்ணீர் குடிக்கவும்.
  •  
  • நார்ச்சத்துக்கள் நிறைந்த உணவுகளை எடுத்துக் கொள்ளவும்.
  •  
  • தினமும் உடற்பயிற்சி செய்ய வேண்டும்.
  •  
  • இரவு உணவைச் சரியாக சாப்பிடவும்.
  •  
  • சரியான தூக்கத்தை எடுக்கவும்.
  •  
• காலை நேரத்தில் மலம் கழிக்கும்போது சிரமங்கள் ஏற்பட்டால்:

   

  • மருத்துவரை அணுகவும்.
  •  
  • அவர்களிடம் ஆலோசனை பெற்று, தேவையான சிகிச்சையை எடுக்கலாம்.
    

​நிலாவரையில் என்ன இருக்கு?​

​நிலாவரை சக்திவாயந்த ஆயுர்வேத மூலிகை ஆகும். இது பாரம்பரிய மற்றும் நவீன மருத்துவ முறைகளில் தவிர்க்க முடியாத சிகிச்சை பண்புகளுக்கு பயன்படுத்தப்படுகிறது. இதன் இலைகள், காய்கள், பூக்கள் அனைத்துமே மருத்துவ குணங்கள் வாய்ந்தவை. இந்த மூலிகை பல தயாரிப்புகளில் பயன்படுத்தப்படுகிறது. இந்த தாவரத்திலிருந்து பெறப்படும் மூலிகை தேநீர் மற்றும் சாறுகள் பல்வேறு சிகிச்சைக்கு பயனளிக்கிறது.

​நிலாவரை குறித்து ஆயுர்வேதம் சொல்வது என்ன?​

நிலாவரை ஆயுர்வேதம் சுவையில் கசப்பும் குளிர்ச்சியான தன்மையும், ஜீரணிக்க இலகுவாகவும் இருக்கும் என்கிறது. இது இலேசான சுத்திகரிப்பாகவும் செயல்படுகிறது. இந்த மூலிகையானது வாத தோஷத்தை போக்க கூடியது. மேலும் உடலில் பித்த தோஷத்தை ஊக்குவிக்க செய்கிறது. இவை மலமிளக்கி பண்புகளை கொண்டுள்ளது. இதன் இலைகளை தூள் வடிவில் சேர்த்து வந்தால் பசியை தூண்டும். இது செரிமான அமைப்பை ஊக்குவிப்பதன் மூலம் எடை குறையவும் உதவுகிறது. இதை தோலின் மேல் வெளிப்பூச்சாகவும் பயன்படுத்தலாம்.

வேலை !

 

ஒரு இளைஞர் வேலை தேடி பல்வேறு இடங்களில் அலைந்து கொண்டிருந்தார். எங்கு தேடியும் அவருக்கு வேலையே கிடைக்கவில்லை. நீண்ட நாட்களுக்கு பின் அவருக்கு சிறிய நிறுவனம் ஒன்றில் வேலை கிடைத்தது. சிறிது நாட்கள் அந்த நிறுவனத்தில் வேலை செய்தார். ஆனால் அந்த நிறுவனத்தில் அவருக்கு மேலதிகாரியாக இருந்தவர் சரியான சிடுமூஞ்சி. எந்த ஒரு சிறு தவறு என்றாலும் உடனடியாக சற்றும் தயங்காமல் திட்டி விடுவார். மேலதிகாரியின் அத்தகைய குணம் அந்த இளைஞனுக்கு நாளுக்கு நாள் மன உளைச்சலை கொடுத்தது. வறுமையின் காரணமாக வேலைக்கு சென்றாலும் கூட அவரால் மேலதிகாரியின் குணத்துக்கு ஈடு கொடுத்து அந்த வேலையில் நீடிக்க முடியவில்லை.

தன் வாழ்வில் பிரச்சனை வரும்போது எல்லாம் தன்னுடைய பேராசிரியரிடம் ஆலோசனை கேட்பது அவன் வழக்கம் அந்த வகையில் இந்த விஷயத்தை தன்னுடைய பேராசிரியரிடம் ஆலோசித்தான்..

"ஐயா, எனக்கு நெடு நாட்களாக வேலையே கிடைக்கவில்லை. இப்பொழுதுதான் ஒரு வேலை கிடைத்தது. ஆனால் அந்த வேலையில் எனக்கு மேலதிகாரியாக இருப்பவர் சரியான சிடுமூஞ்சியாக இருக்கிறார். சிறு தவறு செய்தாலும் உடனே கோபப்பட்டு வார்த்தைளை நெருப்பென கொட்டி விடுகிறார். என்னால் அந்த நிறுவனத்தில் தொடர்ந்து வேலை செய்ய முடியவில்லை. அதனால் நான் வேலையை விட்டு விடலாம் என நினைக்கிறேன்," என்று கூறினார்.

இளைஞர் கூறியதைக் கேட்ட பேராசிரியர் சிறிது நேரம் அமைதி காத்தார். மெதுவாக இளைஞரிடம், "வேலையை விட்டு விடலாமா? அல்லது வேண்டாமா? என்பதை மூன்று மாதங்கள் கழித்து முடிவு செய்யலாம். அதற்கு முன் உனக்கு ஒரு வேலை கொடுக்கிறேன். நீ நாளைமுதல் அந்த மேலதிகாரியை ஒரு முறையேனும் பாராட்டி விடுவதை வழக்கமாக்கிக் கொள்ள வேண்டும். அப்படி பாராட்டுவதற்காக அந்த மேலதிகாரியிடம் இருக்கும் நல்ல பழக்க வழக்கங்களை உற்று நோக்கு. ஒரு நாளைக்கு ஒரு பாராட்டு என வைத்துக் கொள். மூன்று மாதங்கள் கழிந்த பின் மீண்டும் வந்து என்னை பார்!" என்று கூறி அந்த இளைஞனை அனுப்பி வைத்தார் துறவி.

மறுநாள் வழக்கம்போல் இளைஞன் நிறுவனத்திற்கு வேலைக்கு சென்றான். மேலதிகாரியுடன் பேசும் போது அவர் அணிந்திருந்த சட்டை நன்றாக இருந்ததால், "தங்களுடைய ஆடை தேர்வு நன்றாக இருக்கிறது" என பாராட்டினான். மறுநாள் மேலதிகாரி அந்த இளைஞனிடம் கடிதம் ஒன்றை கொடுத்து அதை டைப் செய்து எடுத்து வருமாறு கூறினார். அந்தக் கடிதத்தை டைப் செய்யும் போது அதன் ஆங்கில நடை நன்றாக இருப்பதை கவனித்த இளைஞன், அவரிடம் மீண்டும் கடிதத்தை கொடுக்கும் போது, "இக்கடிதத்தில் எழுதியுள்ள ஆங்கில நடை நன்றாக இருக்கிறது!" என பாராட்டினான். இப்படியாக தொடர்ந்து மூன்று மாதங்கள் கழிந்தன.

அந்த இளைஞன் மீண்டும் தன் பேராசிரியரே சந்தித்தபோது அவர் கேட்டார் "இப்பொழுது நீ என்ன முடிவு எடுத்திருக்கிறாய்? வேலையை ராஜினாமா செய்து விடலாமா?" என்று கேட்டார். அதற்கு அந்த இளைஞனோ, "வேண்டாம், நான் இப்பொழுது மேலதிகாரியுடைய தனிப்பட்ட உதவியாளராக பதவி உயர்வு பெற்று விட்டேன். நீங்கள் கூறுவதை நான் பின்பற்ற ஆரம்பித்ததில் இருந்து அவரிடம் இருக்கும் நேர்மறையான விஷயங்கள் மட்டுமே என்னுடைய பார்வைக்கு பட்டது. அதனால் இப்பொழுது வேலையை ராஜினாமா செய்யும் எண்ணம் எனக்கு இல்லை," என்று கூறினான்.

எங்கே நிம்மதி ! நம் மனதில் தான் உள்ளது !

 

வாழ்நாள் முழுவதும், மகிழ்ச்சியாக, நிம்மதியாக இருக்க வேண்டும்  என்று நினைத்தான், ஒருவன். அதற்கு என்ன வழி என்று, நண்பர்களிடம் கேட்டான்.

'பணம் இருந்தால், மகிழ்ச்சி வரும். அதனால், பணம் சம்பாதிக்கிற வழியைப் பாரு...' என்றனர்.

இவனும், பாடுபட்டு பணம் சம்பாதிக்க ஆரம்பித்தான். கொஞ்ச நாளிலே அவனிடம் நிறைய செல்வம் சேர்ந்து விட்டது. அப்போதும், அவனுக்கு நிம்மதி கிடைக்கவில்லை. திரும்பவும் நண்பர்களிடம் யோசனை கேட்டான்.

'பணம் சம்பாதித்தால் போதாது. தாராளமா செலவு செய்யணும்...' என்று, ஆலோசனை தந்தனர், நண்பர்கள்.

இவனும், விருப்பப்பட்டதை எல்லாம் வாங்கிக் குவித்தான்; ஆசைப்பட்டதை எல்லாம் சாப்பிட்டான்; பல ஊர்களுக்கு சென்று வந்தான். இறுதியாக, திருமணம் செய்தும் பார்த்தான். அப்போதும், நிம்மதி இல்லை.

கடைசியில், ஒரு முனிவரிடம் யோசனை கேட்டான். சற்று நேரம் யோசித்தவர், 'துறவறத்தில் தான் உனக்கு நிம்மதி கிடைக்கும். ஆனால், அதற்கு எல்லாவற்றையும் துறக்கணும்...' என்றார்.

அவனும் சரி என்று, தன்னிடமிருந்த செல்வம் அனைத்தையும் மூட்டையாக கட்டி எடுத்து வந்து, முனிவர் காலடியில் வைத்து, 'எனக்கு, மகிழ்ச்சியும், மன அமைதியும் கிடைக்கச் செய்ய வேண்டும்...' என்று, வேண்டினான்.

திடீரென்று, காலடியில் கிடந்த பண மூட்டையை துாக்கிக் கொண்டு ஓடினார், முனிவர். உடனே, இவனும் அவரை துரத்திச் சென்றான்.

சந்து, பொந்தெல்லாம் மூச்சு இரைக்க ஓடியவர், புறப்பட்ட இடத்துக்கே வந்து நின்றார். துரத்தி வந்தவனும், அங்கு வந்து சேர்ந்தான்.

'என்ன, பயந்து விட்டாயா... இந்தா உன் மூட்டை...' என்று, திருப்பி கொடுத்தார், முனிவர்.

அவனுக்கு ஏகப்பட்ட மகிழ்ச்சி.

'இதோ பாருப்பா... நீ இங்க வர்றதுக்கு முன்பும், இந்த செல்வம் உன்னிடம் தான் இருந்தது. ஆனால், அப்போது உனக்கு மகிழ்ச்சியும், மன நிம்மதியும் இல்லை. இப்போதும் அது உன்னிடம் தான் இருக்கிறது. முன்பு இருந்ததை விட, இப்போது அதிக மகிழ்ச்சியும், நிம்மதியும் உன்னிடம் இருக்கிறது அல்லவா!

'இதிலிருந்து என்ன தெரிகிறது... மகிழ்ச்சியோ, நிம்மதியோ வெளியில் இல்லை. நம் மனதில் தான் உள்ளது...' என்று கூறி, அவனை அனுப்பி வைத்தார்.

நிம்மதி எங்கு உள்ளது என்று, நமக்கும் புரிந்ததல்லவா!

பி. என். பி.,

குடும்பத்தில் அமைதி நிலவ என்ன செய்ய வேண்டும் ?

குழப்பங்கள் நிறைந்த குடும்பத்தில் அமைதி நிலவ என்ன செய்ய வேண்டும் ?

வாழ்க்கையில் பிரச்சனைகள் குழப்பங்கள் அவ்வப்போது வரலாம், போகலாம். ஆனால், சில வீடுகளில் குழப்பங்களும் பிரச்சனைகளும் சண்டை சச்சரவுகளும் தான் வாழ்க்கையாக இருக்கும்‌. இப்படிப்பட்ட குடும்பத்தில் மன நிம்மதி இருக்காது. குடும்பத்தில் ஒரு அமைதி இருக்காது. சூனியம் பிடித்த வீடு போல இருக்கும். திடீரென்று பிரச்சனை தலை தூக்கும். நேற்று வரை நன்றாக இருந்த குடும்பம், இன்று நடுத்தெருவில் வந்து நிற்கும். அவமானப்படும். வீட்டில் இருக்கும் பிள்ளைகள் பாதை மாறி சென்றிருப்பார்கள். பெற்றவர்களுக்கு கோடி கோடியாக பணம் இருந்தும் நிம்மதி இல்லாத சூழ்நிலை இருக்கும். இப்படிப்பட்ட பிரச்சினைகளுக்கெல்லாம் என்னதான் தீர்வு. நம் குடும்பத்தில் இருக்கும் குழப்பங்களை எப்படி சரிசெய்வது?  

1.குடும்பத்தில் உள்ள அனைவரும் புரிதல் உணர்வுடன் நடந்தது கொள்ள வேண்டும் .

   2.விட்டு கொடுப்பதில் தான் வாழ்க்கை உள்ளது .     

 3.அவரவர் வேலைகளை அவர் அவர் செய்ய வேண்டும்.   

    4.வீண்  விவாதம்  செய்யக்கூடாது!       

  5.நம் செயல்கள் மற்றவர் மனம் புண்படும் படி இருக்கக்கூடாது .      

   6.பெரியவர்கள் சிறியவர் பாகு பாடின்றி ஒருவரை ஒருவர் மதிப்பு கொடுத்து வாழ வேணடும் .     

   7. நான் இல்லை என்றால் இந்த குடும்பம் சிறப்பாக இருக்காது போன்ற எண்ணம் யாருக்கும்  இருக்கக்கூடாது . 

  8.குடும்பத்து உறுப்பினர் அனைவரும் சேர்ந்து வாரம் ஒரு முறையாவது பேச மற்றும் சேர்ந்து உணவு உட்க்கொள்ள வேண்டும் .       

   9.குடும்பம் வளர்ச்சி பெற என்ன செய்ய வேண்டும் என்பது பற்றி குடும்ப உறுப்பினர் களுடன் மனம் விட்டு பேசவேண்டும்.

10.குடும்பத்தில்உள்ள அனைவரும் ஏதாவது ஒரு வேலை செய்து குடும்ப பொருளாதாரத்தில் பங்கு அளிப்பு செய்ய வேண்டும். 

11.குடும்பத்தில்குழப்பம்,பிரச்சனை, ஏற்பட்டால் அனைவரும் கலந்து பேசி சரியான தீர்வு காண வேண்டும்.

 12.கடன் வாங்க கூடாது. தேவை இல்லாமல்  ஊர் சுத்த கூடாது.

13.அடுத்தவர் சொல்லும் பிரச்சனைகளை மூளையில் ஏற்றி வருத்தம் கொள்ளக் கூடாது.

14.மற்றவர்உங்களிடம்ஏதாவதுஅறிவுரையோ அல்லது ஏதாவது ஒன்று பற்றி உங்களிடம் விளக்கம் கேட்டால், உங்களுக்கு அது பற்றி தெரிந்தால் மட்டும் அது பற்றி பேசுங்கள்! இல்லையனில் எனக்கு தெரியாது என்பதனை சொல்லுங்கள் !

15.குடும்ப உறுப்பினர் ஆரோக்கியத்தில் அக்கறையுடன் செயல் பட வேண்டும்.

16.குடும்ப உறுப்பினர்களுக்கு அளிக்கும் உணவு சுவையாகவும், தரமானதாகவும் இருக்கும் படி செய்ய வேண்டும் .

17.குடும்ப உறுப்பினர்கள் செய்த தவறுகளை ஒப்புக் கொள்ளும் மனப்பான்மை யுடனும் மறுபடியம் அதே தவறை செய்யாமலும் இருக்க வேண்டும்.

18.தேவை இல்லாமல் யாராவது மூன்றாம் நபரை குடும்ப உறுப்பினர் அழைத்து வரக் கூடாது.

19.பிரச்சனைக்குரிய நபர் எனஒருவர் பற்றி தெரிந்தால், அவரிடம் தேவை இல்லாமல் விவாதம் செய்யக் கூடாது .

20.மொத்தத்தில் குடும்ப உறுப்பினர் கள் அடுத்தவர் மன நிம்மதியுடன் வாழ தம்மால் இயன்ற உதவிகளை செய்ய வேண்டும்.